Plantun de Prouvènço

Pèr coumpara dos planto d'encò nostre

Galium minutulum & Barbilophozia lycopodioides

Galium minutulum

Rubiaceae

Nom en français : Gaillet minuscule.

Descripcioun :
La reboulo-menudeto es uno pichoto planto, pulèu raro, que trachis dins li pelouso dis isclo séusouso e en ribo de mar. Se destrìo de Galium murale emé si long entre-nous, si fru redoun (e pas óuvalo) que mounton (e penjon pas). Coumpara emé la reboulo-de-muraio, mai coumuno, que ié sèmblo proun .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : Verticilado
Tipe bioulougico : Teroufite
Cicle bioulougico : Planto de l'an

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 1 à 2 mm
Flourido : Printèms

Sòu : Si
Autour basso e auto : 0 à 100 m
Aparado : Noun
Remarco : Planto de coustiero
Mars à mai

Liò : Pelouso - Relarg à jóuinis aubret
Estànci : Termoumediterran à Mesoumediterran
Couroulougi : Estenoumediterrano-Nord-Ouèst
Ref. sc. : Galium minutulum Jord., 1846

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...